Certamen Ciceronianum Arpinas 2024 – XLIII Edizione

Sono arrivati  giovedì 9 maggio alla stazione di Frosinone i giovani latinisti che partecipano alla 43ª edizione del Certamen Ciceronianum Arpinas. La notissima gara di traduzione dal latino con relativo commento critico, linguistico e stilistico di un brano di Cicerone che si svolge ad Arpino in provincia di Frosinone nel mese di maggio.
Quest’anno si registra il record di presenze, sono infatti  249 gli studenti che si sfideranno nelle aule del Tulliano e 78 i docenti accompagnatori per un totale di 14  nazioni rappresentate : Austria, Belgio, Bulgaria, Croazia, Germania, Italia, Lussemburgo, Olanda, Polonia, Romania, Serbia, Spagna, Svizzera, Ungheria.

Nelle attività parallele alla gara, volte a far conoscere il territorio ai giovani partecipanti, anche la visita all’Abbazia di Montecassino questo pomeriggio, sabato 11 maggio, con il tradizionale incontro con l’Abate che ha accolto  i presenti con un discorso in Latino.

Di seguito il saluto dell’abate Luca nella sua versione integrale, scaricabile anche a questo link :

—————

IUVENIBUS CONVENIENTIBUS
AD XLIII CERTAMEN ARPINAS
SALUTEM IN DOMINO

Salvete iuvenes carissimi, ad quadragesimum tertium certamen Arpinas convenientes.

Octoginta abhinc annos, die decimo quinto mensis Februarii, hoc venerabile monasterium, quod sanctus Benedictus instituit sub aurea regula cenobiali quae coniungit orationem laboremque insimul, funditus destructum est vi bellica, quae hominibus, thesauris artium et perantiquis litterarum memoriis non pepercit. Item sexaginta abhinc annos, die vigesimo quarto mensis Octobris, papa Paulus sextus redintegratam basilicam Casinensem sollemniter consecravit atque auctoritate apostolica sanctum Benedictum totius Europae principalem caelestem Patronum constituit.

Ut papa Ioannes Paulus secundus scripsit die primo mensis Octobris, anno millesimo nongentesimo nonagesimo nono, litteris apostolicis motu proprio datis quibus sancta Birgitta de Suetia, sancta Catharina Senensis et sancta Teresia Benedicta a Cruce Europae compatronae proclamatae sunt, «certum est in composita Europae historia christianismum elementum medium constituere praecipuumque, in stabile innixum hereditatis classicae fundamentum multarumque contributionum allatarum a variis gentibus et culturis per saeculorum decursum. Fides christiana effinxit culturam Continentis atque inexplicabili modo se contexuit cum ipsius historia eo ut ea intellegi non possit amota necessitudine cum eventibus, qui primum notaverunt magnam evangelizationis aetatem, postea vero diuturna saecula, cum christianismus, quamvis in dolorosa divisione Orientis et Occidentis, veluti eorundem Europaeorum religio sese exhibuit. Aetate quoque recentiore et coaeva, quando religiosa unitas gradatim est confracta sive per ultimas divisiones inter christianos effectas sive per processus separationis culturae a fidei conspectu, ipsius fidei pondus magnum momentum induere perrexit. Versus futurum tempus iter ignorare non potest hanc notam, atque christiani vocati sunt ut eius renovatam suscipiant conscientiam ut eius continuas demonstrent potentias. Ipsis officium iniungitur praecipuam offerendi partem in aedificanda Europa, quae eo firmior efficaciorque erit, quo magis ipsi valebunt sese sub Evangelii luce renovare».

Iam nunc hac splendida luce ducti, iuvenes carissimi, munus certe habetis aedificandi et roborandi unitatem Europae, ut ea magis magisque fundata sit respectu cuiusvis hominis nec non tutela boni communis pro populi Europaei libertate, iustitia et pace.

Ut ait Cicero «res publica res populi», et hoc etiam ad Europam pertinet, cuius populus, ut adhuc putat Arpinas, est «non omnis hominum coetus quoquo modo congregatus, sed coetus multitudinis iuris consensu et utilitatis communione sociatus» (De re publica I, 39).

Iuvenes dilecti, oportet vos, pro bono publico, iuris consensum et utilitatis communionem in Europa tueri. Adhuc Cicero hoc illustrat cum ait: «In omni autem honesto, de quo loquimur, nihil est tam illustre nec quod latius pateat quam coniunctio inter homines hominum et quasi quaedam societas et communicatio utilitatum et ipsa caritas generis humani» (De finibus bonorum et malorum V, 65). Immo alio loco ipse addit: «Omne officium quod ad coniunctionem hominum, et ad societatem tuendam valet, anteponendum est illi officio, quod cognitione et scientia continetur» (De officiis I, 158).

Opto, iuvenes carissimi, cives Europae, ut hoc nobile officium exerceatis ad fovendam in Europa concordiam, non recusantes enim quae pro bono communi obiective postulantur. Non dubito quin vos pares sitis huic nostro et universo voto.

Valete quam optime.

In coenobio Montis Casini, d. XI m. Maii a. MMXXIV.

LUCAS FALLICA
Abbas Montis Casini

Alcune foto del pomeriggio a Montecassino